ಕಾರ್ಕಳ: ಅಂದರ್ ಬಾಹರ್ ಜುಗಾರಿ; ಐವರ ಬಂಧನ

ಕಾರ್ಕಳ: ದಿನಾಂಕ : 04/12/2023 (ಹಾಯ್ ಉಡುಪಿ ನ್ಯೂಸ್) ಸಾರ್ವಜನಿಕ ಸ್ಥಳದಲ್ಲಿ ಇಸ್ಪೀಟ್ ಜುಗಾರಿ ಆಟ ಆಡುತ್ತಿದ್ದ ಐವರನ್ನು ಕಾರ್ಕಳ ನಗರ ಪೊಲೀಸ್ ಠಾಣೆಯ ಪೊಲೀಸ್ ಉಪ ನಿರೀಕ್ಷಕರಾದ ಸಂದೀಪ್ ಕುಮಾರ್ ಅವರು ಬಂಧಿಸಿದ್ದಾರೆ.

ಕಾರ್ಕಳ ನಗರ ಪೊಲೀಸ್‌ ಠಾಣೆ ಪೊಲೀಸ್ ಉಪ ನಿರೀಕ್ಷಕರಾದ ಸಂದೀಪ್ ಕುಮಾರ್ ಅವರಿಗೆ  ಸಾರ್ವಜನಿಕ ಸ್ಥಳದಲ್ಲಿ ಕೆಲವು ವ್ಯಕ್ತಿಗಳು ಹಣವನ್ನು ಪಣವಾಗಿಟ್ಟು ಇಸ್ಪೀಟು ಎಲೆಗಳನ್ನು ಉಪಯೋಗಿಸಿ ಅಂದರ್‌ ಬಾಹರ್‌ ಜುಗಾರಿ ಆಟ ಆಡುತ್ತಿರುವುದಾಗಿ ಸಾರ್ವಜನಿಕರಿಂದ ಬಂದ ಮಾಹಿತಿ ಮೇರೆಗೆ ಕೂಡಲೇ ಸ್ಥಳಕ್ಕೆ ದಾಳಿ ನಡೆಸಿ ಅಂದರ್ ಬಾಹರ್ ಜುಗಾರಿ ಆಟ ಆಡುತ್ತಿದ್ದ 1) ಮುರಳಿ (40),  ಕಾರ್ಕಳ ಕಸಬಾ ಗ್ರಾಮ, 2) ಪ್ರದೀಪ (35),  ಕಾರ್ಕಳ ಕಸಬಾ ಗ್ರಾಮ, 3)ಸುಕೇಶ (30),  ಕಾರ್ಕಳ ಕಸಬಾ ಗ್ರಾಮ, 4) ರಕ್ಷಿತ್‌ (34),  ಕಾರ್ಕಳ ಕಸಬಾ ಗ್ರಾಮ, 5) ಶಿವಣ್ಣ (60),  ಕಾರ್ಕಳ ಕಸಬಾ ಗ್ರಾಮ ಎಂಬವರನ್ನು ಬಂಧಿಸಿದ್ದಾರೆ.

ಬಂಧಿತರು  ಕೃತ್ಯಕ್ಕೆ ಬಳಸಿದ ನಗದು 5,200/-, 52 ಇಸ್ಪೀಟ್‌ ಎಲೆಗಳು, ಬ್ಯಾನರನ್ನು ಸ್ವಾಧೀನಪಡಿಸಿಕೊಂಡಿದ್ದಾರೆ.

  ಈ ಬಗ್ಗೆ ಕಾರ್ಕಳ ನಗರ ಪೊಲೀಸ್‌ ಠಾಣೆಯಲ್ಲಿ ಕಲಂ: 87 ಕೆಪಿ ಕಾಯ್ದೆ ಯಂತೆ ಪ್ರಕರಣ ದಾಖಲಾಗಿದೆ.