ಗಂಗೊಳ್ಳಿ: ದಿನಾಂಕ: 13-09-2023(ಹಾಯ್ ಉಡುಪಿ ನ್ಯೂಸ್) ತ್ರಾಸಿ ಗ್ರಾಮದ ಮೊವಾಡಿಯ ಸರ್ಕಾರಿ ಹಾಡಿಯಲ್ಲಿ ಇಸ್ಪೀಟ್ ಜುಗಾರಿ ಆಡುತ್ತಿದ್ದ ಐವರನ್ನು ಗಂಗೊಳ್ಳಿ ಪೊಲೀಸ್ ಠಾಣೆಯ ಪಿಎಸ್ಐ ಯವರಾದ ಹರೀಶ್ ಆರ್ ರವರು ಬಂಧಿಸಿದ್ದಾರೆ.
- ಗಂಗೊಳ್ಳಿ ಪೊಲೀಸ್ ಠಾಣಾ ಪಿ.ಎಸ್‌ ಐ ಹರೀಶ್ ಆರ್ (ಕಾ.ಸು)ರವರು ದಿನಾಂಕ: 11-09-2023ರಂದು ರೌಂಡ್ಸ ಕರ್ತವ್ಯದಲ್ಲಿರುವಾಗ ಠಾಣಾ ಸಿಬ್ಬಂದಿ ರಾಮಚಂದ್ರ ರವರು ತ್ರಾಸಿ ಗ್ರಾಮದ ಮೊವಾಡಿಯ ಸರ್ಕಾರಿ ಹಾಡಿಯಲ್ಲಿ ಇಸ್ಪೀಟು ಜುಗಾರಿ ನಡೆಯುತ್ತಿರುವ ಬಗ್ಗೆ ಮಾಹಿತಿ ನೀಡಿದ್ದು ಕೂಡಲೇ ಗಂಗೊಳ್ಳಿ ಪೊಲೀಸ್ ಠಾಣಾ ಪಿ.ಎಸ್‌.ಐ (ಕಾ.ಸು) ಹರೀಶ್ ಆರ್ ರವರು ಸಿಬ್ಬಂದಿಯವರೊಂದಿಗೆ ಮಾಹಿತಿ ಬಂದ ಸ್ಥಳಕ್ಕೆ ದಾಳಿ ನಡೆಸಿ ಆಪಾದಿತರಾದ 1. ಪ್ರಕಾಶ್ 2 ಪ್ರದೀಪ 3. ವಿಲ್ಫ್ರೆಡ್,, 4. ಸಿದ್ದ 5. ಬಾಬು ಎಂಬುವವರನ್ನು ಬಂಧಿಸಿ ವಶಕ್ಕೆ ಪಡೆದಿದ್ದು, ಬಳಿಕ ಕೃತ್ಯಕ್ಕೆ ಬಳಸಿದ ನಗದು 65,800 /- ರೂ, ಇಸ್ಪೀಟ್ ಎಲೆಗಳು –52, ನೀಲಿ ಬಣ್ಣದ ಟಾರ್ಪಲ್‌ -1ನ್ನು ಸ್ವಾಧೀನಪಡಿಸಿಕೊಂಡಿರುತ್ತಾರೆ.
- . ಈ ಬಗ್ಗೆ ಗಂಗೊಳ್ಳಿ ಸಂಚಾರ ಪೊಲೀಸ್ ಠಾಣೆಯಲ್ಲಿ ಕಲಂ: 87 ಕರ್ನಾಟಕ ಪೊಲೀಸ್ ಕಾಯ್ದೆಯಂತೆ ಪ್ರಕರಣ ದಾಖಲಾಗಿದೆ.