ಬದಲಾವಣೆ ಬಯಸುತ್ತಾ,…..

ಸಾವುಗಳು ಸಹಜವಾಗುತ್ತಾ,

ಸಂವೇದನೆಗಳು ಸರ್ವನಾಶವಾಗುತ್ತಾ,

ಭಾವನೆಗಳು ಬರಿದಾಗುತ್ತಾ,

ಮಾತುಗಳು ಕೃತಕವಾಗುತ್ತಾ,

ಅಕ್ಷರಗಳು ಅಸಹನೀಯವಾಗುತ್ತಾ,

ಮನಸುಗಳು ಮಲಿನವಾಗುತ್ತಾ,

ಸಂಬಂಧಗಳು ಶಿಥಿಲವಾಗುತ್ತಾ,

ಮೌಲ್ಯಗಳು ಮಸುಕಾಗುತ್ತಾ,

ಆಡಳಿತ ಅರಾಜಕತೆಯಾಗುತ್ತಾ,

ಬದುಕು ಬರಡಾಗುತ್ತಾ,

ಸಮಾಜ ಅಸ್ತವ್ಯಸ್ತವಾಗುತ್ತಾ,

ಪರಿಸರ ಕಲ್ಮಶವಾಗುತ್ತಾ,

ವಿದ್ಯೆ ವ್ಯಾಪಾರವಾಗುತ್ತಾ,

ವಿವೇಚನೆ ವಿಕಾರವಾಗುತ್ತಾ,

ಆರೋಗ್ಯ ಅನಾರೋಗ್ಯವಾಗುತ್ತಾ,

ಗಂಡನ್ನು ಅನುಮಾನಿಸುತ್ತಾ,

ಹೆಣ್ಣನ್ನು ಅವಮಾನಿಸುತ್ತಾ,

ಹಣವನ್ನು ಪೂಜಿಸುತ್ತಾ,

ಅಧಿಕಾರವನ್ನು ಆರಾಧಿಸುತ್ತಾ,

ಭ್ರಮೆಗಳನ್ನು ಸೃಷ್ಟಿಸುತ್ತಾ,

ಅಮಾಯಕರನ್ನು ಶೋಷಿಸುತ್ತಾ,

ಅಸಹಾಯಕರನ್ನು ವಂಚಿಸುತ್ತಾ,

ಭ್ರಷ್ಟರನ್ನು ಚುನಾಯಿಸುತ್ತಾ,

ವಿಧಿಯನ್ನು ಅಳಿಯುತ್ತಾ,

ಕಾಣದ ಶಕ್ತಿಯನ್ನು ನಂಬುತ್ತಾ,

ಆತ್ಮ ಶಕ್ತಿಯನ್ನು ನಿರ್ಲಕ್ಷಿಸುತ್ತಾ,

ಆತ್ಮವಂಚನೆಗೆ ಬಲಿಯಾಗುತ್ತಾ,

ಆಡಂಬರಕೆ ಆಕರ್ಷಿತವಾಗುತ್ತಾ,

ಪ್ರೀತಿಗೆ ಹಂಬಲಿಸುತ್ತಾ,

ದ್ವೇಷಕ್ಕೆ ಬಲಿಯಾಗುತ್ತಾ,

ಒಳ್ಳೆಯದನ್ನು ಹುಡುಕುತ್ತಾ,

ಕೆಟ್ಟದ್ದನ್ನು ಅನುಸರಿಸುತ್ತಾ,

ಮುನ್ನಡೆಯುತ್ತಿರುವುದೇ,

ಆಧುನಿಕ ನಾಗರಿಕ ಸಮಾಜ…….

ನಾವು – ನೀವು – ಅವರು – ಇವರು,
ಎಲ್ಲರೂ ಪಾತ್ರಧಾರಿಗಳು,

ನಿಜ ಸೂತ್ರಧಾರಿಗಳನ್ನು ಹುಡುಕುತ್ತಾ…‌…

ಬದಲಾವಣೆ ಬಯಸುತ್ತಾ,…..

ಪ್ರಬುದ್ಧ ಮನಸ್ಸು ಪ್ರಬುದ್ಧ ‌ಸಮಾಜ,
ಜನರ ಜೀವನಮಟ್ಟ ಸುಧಾರಣೆಯ ಗುರಿಯೊಂದಿಗೆ,
ಮನಗಳಲ್ಲಿ – ಮನೆಗಳಲ್ಲಿ – ಮತಗಳಲ್ಲಿ – ಪರಿವರ್ತನೆಗಾಗಿ,
ಮನಸ್ಸುಗಳ ಅಂತರಂಗದ ಚಳವಳಿ,
ವಿವೇಕಾನಂದ ಎಚ್.ಕೆ.
9844013068…..