ತೆಲಿಕೆ
ಕವನ
ಕಸ್ಟೊ ಸುಖೊತ ದೋಸ್ತಿ ಆಲ್
ಬದ್ಕಿಡೀ ಬರೆಪಿನೈಟೆ ಆಂಡ್
ಆಯೆಲಾ ಕಬಿಯೇ ಆದಿಪ್ಪೊಡಾವು
ಪನೊಂದಿತ್ತೊಲಾಲ್…
ಯಾನ್ ತರೆ ತಗ್ಗಾದ್ ತೆಲಿತಿತ್ತೆ…
ಎಲ್ಯ ಇಸಯೊಗ್ಲಾ ತೆಲಿಪುವ
ಎಲ್ಯ ಇಸಯೊಗ್ಲಾ ಬುಲಿಪುವ
ಆಯನ ಅವಸ್ಥೆನೇ
ಪನೊಂದಿತ್ತೊಲಾಲ್
ಬೆಸರ್ದ ನಡುಟ್ಟಾ ಮೆಲ್ಲ ತೆಲಿತಿತ್ತೆ
ಆಲ್ ಕಲ್ದಿನಾಲ್
ಆಯೆಲಾ ಕಲ್ತಿಪ್ಪೊಡಾವು
ಇತ್ತೆದ ಪೊಣ್ಣುಲು ಸದಾರ್ನದ ಒತ್ತೊನ್ವನಾ…
ಉಂದು ಊರ್ದ ಜನಕುಲ್ನ ಚರ್ಚೆ
ಉಡಲ್ದುಲಯೊಂಜಿ ಎಲ್ಯ ತೆಲಿಕೆ…
ಕಡೆಕ್ಲಾ ಆ ಆಯೆ
ಕಣ್ಣೆದುರು ಬರ್ಪಿನ ಪೊರ್ತಿತ್ತೆ
ಇತ್ತೆ ಬದ್ಕ್‌‌ಡ್ಲಾ ತೆಲಿಕೆ
ಆ ಅಗಲೆನ್ ಎನ್ನನಗಲಾ ತೆಲಿಕೆ
✍🏼 ನಿಶ್ಮಿತಾ ಪಳ್ಳಿ