- ಮಲ್ಪೆ: ನವೆಂಬರ್ 24 (ಹಾಯ್ ಉಡುಪಿ ನ್ಯೂಸ್) ಸನ್ಯಾಸಿ ಮಠದ ಬಳಿಯ ಸಾರ್ವಜನಿಕ ಸ್ಥಳದಲ್ಲಿ ಗುಂಪು ಸೇರಿ ಇಸ್ಪೀಟು ಜುಗಾರಿ ಆಡುತ್ತಿದ್ದವರನ್ನು ಪೊಲೀಸರು ದಾಳಿ ನಡೆಸಿ ಬಂಧಿಸಿದ್ದಾರೆ.
- ಮಲ್ಪೆ ಪೊಲೀಸ್ ಠಾಣೆ ಪೊಲೀಸ್ ಉಪ ನಿರೀಕ್ಷಕರಾದ ಸುಷ್ಮಾ ಜಿ.ಬಿ , ಇವರು ದಿನಾಂಕ 23-11-2022 ರಂದು ಠಾಣೆಯಲ್ಲಿರುವಾಗ ಬಡನಿಡಿಯೂರು ಗ್ರಾಮದ ಸನ್ಯಾಸಿಮಠ ಸಾರ್ವಜನಿಕ ಖಾಲಿ ಸ್ಥಳದಲ್ಲಿ ಇಸ್ಪೀಟು ಜುಗಾರಿ ಆಟ ಆಡುತ್ತಿರುವುದಾಗಿ ಸಾರ್ವಜನಿಕರಿಂದ ಬಂದ ಮಾಹಿತಿಯಂತೆ ಕೂಡಲೇ ಆ ಸ್ಥಳಕ್ಕೆ ದಾಳಿ ನಡೆಸಿದಾಗ ಜುಗಾರಿ ಆಟ ಆಡುತ್ತಿದ್ದ ಕೆಲವರು ಓಡಿ ಹೋಗಿದ್ದು ಅವರಲ್ಲಿ 1) ಸರೋಜ್ ಜನ್ನಾ, 2) ಸನೋಜಾ ರಾವತ್ ,3) ಗೌತಮ್ ಸಾಹುಕ್ , 4)ರಾಜು ಬಿಸೋಯಿ, 5) ಆಕಾಶ್ , 6) ಬಬ್ಲು ಮೋಹನ್ ,7) ಕೈಲಾಸ್ ಬಿಸ್ಸೋಯಿ, 8) ತ್ರೀನಾದ್ ಬಿಸ್ಸೋಯಿ, 9) ಹಿನ್ನಾ ಸ್ವಾಮಿ, 10) ಗೋಬ್ರಾ ಪ್ರಧಾನ್ ಎಂಬವರನ್ನು ವಶಕ್ಕೆ ಪಡೆದು ಅವರು ಜುಗಾರಿ ಆಟಕ್ಕೆ ಬಳಸಿದ ಇಸ್ಪೀಟು ಎಲೆಗಳು 52, ಬಿಳಿ ಬಣ್ಣದ ಸಿಮೆಂಟ್ ಚೀಲ ಹಾಗೂ ಜೂಜಾಟಕ್ಕೆ ಬಳಸಿದ ಒಟ್ಟು ಹಣ 3140/- ರೂಪಾಯಿಗಳನ್ನು ಪೊಲೀಸರು ಸ್ವಾಧೀನಪಡಿಸಿಕೊಂಡಿರುತ್ತಾರೆ . ಈ ಬಗ್ಗೆ ಮಲ್ಪೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ .