ಉಡುಪಿ: ಅಕ್ಟೋಬರ್ 14 (ಹಾಯ್ ಉಡುಪಿ ನ್ಯೂಸ್) ತನ್ನ ಹೆಂಡತಿಗೆ ಡೈವೋರ್ಸ್ ಕೊಡು ಎಂದು ಬೆದರಿಸಿ, ಮಾನಸಿಕ ಹಿಂಸೆ ನೀಡಿ ಗಂಡನೋರ್ವ ಹಲ್ಲೆ ನಡೆಸುತ್ತಿರುವ ಬಗ್ಗೆ ನೊಂದ ಮಹಿಳೆಯೋರ್ವರು ಮಹಿಳಾ ಪೋಲಿಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
ಉಡುಪಿ , ಕುಕ್ಕಿಕಟ್ಟೆ, ಸುಬ್ರಹ್ಮಣ್ಯ ದೇವಸ್ಥಾನದ ಹತ್ತಿರದ ನಿವಾಸಿ ಶ್ರೀಮತಿ ಕುಶಾಲಾಕ್ಷಿ (43) ಇವರು ಸತೀಶ್ ಬಿ ಎಸ್ ಎಂಬವರೊಂದಿಗೆ ಮದುವೆ ಆಗಿ ಇವರಿಗೆ 12 ವರ್ಷದ ಮಗನಿರುತ್ತಾನೆ . ತನ್ನ ಗಂಡನಾದ ಸತೀಶ್ ಬಿ ಎಸ್ ಡೈವೋರ್ಸ್ ಕೊಡು ಎಂದು ಬೆದರಿಕೆ ಹಾಕುತ್ತಿದ್ದು ; ಮಾನಸಿಕ ಕಿರುಕುಳ ಕೊಡುತ್ತಿದ್ದಾನೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ. ಗಂಡನಾದ ಸತೀಶ್ ಬಿ ಎಸ್ ಮಗನ ಎದುರಿನಲ್ಲೇ ಕುಶಾಲಾಕ್ಷಿಯವರಿಗೆ ಅವಾಚ್ಯ ಶಬ್ದಗಳಿಂದ ಬೈದು ಕೋಲಿನಿಂದ ಕಣ್ಣಿಗೆ ಹೊಡೆದಿರುತ್ತಾನೆ ಎಂದು ಕುಶಾಲಾಕ್ಷಿ ಯವರು ನೀಡಿದ ದೂರಿನಂತೆ ಉಡುಪಿ ಮಹಿಳಾ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.