ಕೋಟ: ಅಳಿಯನಿಂದ ಕೊಲೆ ಬೆದರಿಕೆ

ಕೋಟ : ಮೇ ೧೨ (ಹಾಯ್ ಉಡುಪಿ ನ್ಯೂಸ್) ಕುಡುಕ ಅಳಿಯನೋರ್ವ ಅತ್ತೆಗೆ ಮತ್ತು ಹೆಂಡತಿಗೆ ಜೀವ ಬೆದರಿಕೆ ಹಾಕಿ ದ ಘಟನೆ ನಡೆದಿದೆ.

ಕುಂದಾಪುರ ತಾಲೂಕು ,ಮತ್ಯಾಡಿ ಗ್ರಾಮ , ಗುಡ್ಡೆಯಂಗಡಿ ಯಡಾಡಿ,ಹಳ್ನೀರು ಎಂಬಲ್ಲಿ ವಾಸವಾಗಿರುವ ಬಾಬಿ (43) ಯವರು ಮಗಳು  ಚೈತ್ರಾ  ಹಾಗೂ  ಮೊಮ್ಮಗ ನಿವೇದನ ಜೊತೆಯಲ್ಲಿ  ವಾಸವಾಗಿದ್ದು,  ಬಾಬಿಯವರ ಮಗಳನ್ನು  ವಿಜಯ  ಎಂಬುವವನಿಗೆ  7  ವರ್ಷಗಳ  ಹಿಂದೆ  ಮದುವೆ  ಮಾಡಿ  ಕೊಟ್ಟಿದ್ದು,  ಈ  ಹಿಂದೆ  ಬಾಬಿಯವರು ಮಗಳು ಮನೆಗೆ  ಬಂದಾಗ ಅಳಿಯ ವಿಜಯನು  ಕುಡಿದು  ಬಂದು  ಗಲಾಟೆ  ಮಾಡುತ್ತಿದ್ದನು.  ಅಲ್ಲದೆ  ಮಗಳಿಗೂ  ತೊಂದರೆ  ಕೊಡುತ್ತಿದ್ದನು ಎಂದಿದ್ದಾರೆ..  1 ½  ವರ್ಷದಿಂದ   ಮಗಳು ಮನೆಯಲ್ಲಿಯೇ  ಇದ್ದು,  ವಿಜಯನು  ದಾರವಾಢದಲ್ಲಿ  ಹೋಟೇಲ್‌‌‌‌‌‌‌‌‌‌‌‌ ಮಾಡಿಕೊಂಡಿರುತ್ತಾನೆ.   ವಿಜಯನು  ಆಗಾಗ  ಬಾಬಿ ಯವರ  ಮನೆಗೆ ಬಂದು ಬಾಬಿಯವರಿಗೆ  ಬೈದು,  ಜೀವ  ಬೆದರಿಕೆ  ಹಾಕುತ್ತಿದ್ದನೆಂದೂ,  ದಿನಾಂಕ  09/05/2022  ರಂದು  7:30  ಗಂಟೆ  ಸಮಯಕ್ಕೆ  ವಿಜಯನು  ಕುಡಿದು  ಬಂದು  ಬಾಬಿಯವರ  ಮನೆಗೆ  ಅಕ್ರಮ  ಪ್ರವೇಶ  ಮಾಡಿ ಬಾಬಿಯವರನ್ನು  ಉದ್ದೇಶಿಸಿ ಅವಾಚ್ಯ  ಶಬ್ದಗಳಿಂದ  ಬೈದು,  ಕೊಲ್ಲದೆ  ಬಿಡುವುದಿಲ್ಲ ಎಂದು  ಜೀವ  ಬೆದರಿಕೆ  ಹಾಕಿರುತ್ತಾನೆ.  ಅಲ್ಲದೆ ದಿನಾಂಕ  10/05/2022  ರಂದು ಬೆಳಿಗ್ಗೆ  07:00  ಗಂಟೆಗೆ  ಬಾಬಿ ಯವರ ಮನೆಗೆ ಅಕ್ರಮ  ಪ್ರವೇಶ ಮಾಡಿ,  ಅವಾಚ್ಯ  ಶಬ್ದಗಳಿಂದ  ಬೈದು  ಜೀವ  ಬೆದರಿಕೆ  ಹಾಕಿರುವುದಲ್ಲದೆ  ದಿನಾಂಕ  11/05/2022  ರಂದು  5:00  ಗಂಟೆಗೆ  ಇದೇ  ರೀತಿ ಮನೆಗೆ  ಅಕ್ರಮ  ಪ್ರವೇಶ  ಮಾಡಿ  ಅವಾಚ್ಯ  ಶಬ್ದಗಳಿಂದ  ಬೈದು,  ಬಾಬಿ ಯವರನ್ನು ಕೊಲೆ  ಮಾಡುತ್ತೇನೆಂದು ಜೀವ  ಬೆದರಿಕೆ  ಹಾಕಿರುತ್ತಾನೆ.   ಇದರಿಂದ  ಬಾಬಿಯವರು ಮನೆಯಲ್ಲಿರಲು  ಭಯಭೀತರಾಗಿರುತ್ತೇವೆ ಎಂದು ನೀಡಿದ ದೂರಿನಂತೆ ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.