ಕುಂದಾಪುರ: ದಿನಾಂಕ 04/06/2024 (ಹಾಯ್ ಉಡುಪಿ ನ್ಯೂಸ್) ದೋಣಿಕಳು ಎಂಬಲ್ಲಿನ ಸಾರ್ವಜನಿಕ ಸ್ಥಳದಲ್ಲಿ ಕೋಳಿ ಅಂಕ ಜುಗಾರಿ ನಡೆಯುತ್ತಿದ್ದಲ್ಲಿಗೆ ಗಂಗೊಳ್ಳಿ ಪೊಲೀಸ್ ಠಾಣೆಯ ಪೊಲೀಸ್ ಉಪ ನಿರೀಕ್ಷಕರಾದ ಭೀಮಾಶಂಕರ ಸಿನ್ನೂರ ಸಂಗಣ್ಣ ಅವರು ದಾಳಿ ನಡೆಸಿ ನಾಲ್ವರನ್ನು ಬಂಧಿಸಿದ್ದಾರೆ.
ಗಂಗೊಳ್ಳಿ ಪೊಲೀಸ್ ಠಾಣೆ ಪೊಲೀಸ್ ಉಪ ನಿರೀಕ್ಷಕರಾದ ಭೀಮಾ ಶಂಕರ್ ಸಿನ್ನೂರ ಸಂಗಣ್ಣ ಅವರು ದಿನಾಂಕ: 03-06-2024 ರಂದು ರೌಂಡ್ಸ್ ಕರ್ತವ್ಯದಲ್ಲಿರುವಾಗ ಬಾರ್ಕುಂಜೆ ಗ್ರಾಮದ ದೋಣಿಕಳು ಎಂಬಲ್ಲಿ ಸಾರ್ವಜನಿಕ ಸ್ಥಳದಲ್ಲಿ ಕೋಳಿ ಅಂಕ ಜುಗಾರಿ ಆಟ ಆಡುತ್ತಿರುವುದಾಗಿ ಸಾರ್ವಜನಿಕ ರಿಂದ ಮಾಹಿತಿ ಬಂದ ಮೇರೆಗೆ ಕೂಡಲೇ ದಾಳಿ ಮಾಡಿದ್ದಾರೆ .
ಪೊಲೀಸ್ ದಾಳಿ ನಡೆಸಿದಾಗ ಅಲ್ಲಿ ಕೋಳಿ ಅಂಕ ಜುಗಾರಿ ಆಟಕ್ಕೆ ಸುತ್ತುವರಿದು ನಿಂತಿದ್ದ ಜನರು ಪೊಲೀಸರನ್ನು ಕಂಡು ಓಡಿ ಹೋಗಿದ್ದು, ಕೋಳಿ ಅಂಕ ಜುಗಾರಿ ಆಟದಲ್ಲಿ ನಿರತರಾದವರನ್ನು ಸುತ್ತುವರಿದು 1. ಸುರೇಶ, 2. ಮಹೇಶ, 3. ಕುಸುಮಾಕರ, 4. ಚರಣ ಎಂಬವರನ್ನು ಬಂಧಿಸಿ ವಶಕ್ಕೆ ಪಡೆದುಕೊಂಡು ಆಪಾದಿತರ ವಶದಲ್ಲಿದ್ದ ಕೋಳಿ ಅಂಕಕ್ಕೆ ಬಳಸಿದ 3 ಜೀವಂತ ಕೋಳಿಗಳು, ಕೋಳಿಬಾಳು-2, ಕೋಳಿಯ ಕಾಲಿಗೆ ಬಾಳುಕಟ್ಟಲು ಉಪಯೋಗಿಸಿದ ಹಗ್ಗ-2 ಹಾಗೂ ಕೋಳಿ ಅಂಕ ಜುಗಾರಿ ಆಟಕ್ಕೆ ಉಪಯೋಗಿಸಿದ ನಗದು 1,800/- ರೂಪಾಯಿ ಸ್ವಾದೀನಪಡಿಸಿಕೊಂಡಿದ್ದಾರೆ.
ಈ ಬಗ್ಗೆ ಕುಂದಾಪುರ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಕಲಂ: 87, 93 KP Act & 11 (1) (A) Animal Cruelty Act ರಂತೆ ಪ್ರಕರಣ ದಾಖಲಾಗಿದೆ.