ಶಂಕರನಾರಾಯಣ: ಕಸಾಯಿಖಾನೆಗೆ ಪಿಕಪ್ ವಾಹನದಲ್ಲಿ ದನ ಪಿಕಪ್ ಮಾಡಿದ ಆರೋಪಿ ಬಂಧನ

ಶಂಕರನಾರಾಯಣ: ಜೂನ್ ೪ (ಹಾಯ್ ಉಡುಪಿ ನ್ಯೂಸ್) ದನಗಳನ್ನು ಕದ್ದು ಹಿಂಸಾತ್ಮಕವಾಗಿ ಸಾಗಾಟ ಮಾಡುತ್ತಿದ್ದ ವ್ಯಕ್ತಿ ಯನ್ನು ಬಂಧಿಸಿದ ಘಟನೆ ನಡೆದಿದೆ.

ದಿನಾಂಕ 03/06/2022 ರಂದು 16:35ಘಂಟೆಗೆ ಕುಂದಾಪುರ  ತಾಲೂಕು,ಕೊಡ್ಲಾಡಿ ಗ್ರಾಮದ,ಮಾರ್ಡಿ ಕೆಳಮನೆ ನಿವಾಸಿ ವಿದ್ಯಾಧರ ಶೆಟ್ಟಿ ಎಂಬಾತ ತನ್ನ KA-20-A- 6865  ನೇ ನಂಬ್ರದ ಪಿಕಪ್ ವಾಹನದಲ್ಲಿ  ಕುಂದಾಪುರ ತಾಲೂಕಿನ  ಕೊಡ್ಲಾಡಿ ಗ್ರಾಮದ   ಹೊಲದ  ಮನೆಗೆ   ಹೋಗುವ  ದಾರಿಯ  ಬಳಿ  ಮೇಯುತ್ತಿದ್ದ  ಕಪ್ಪು ಬಣ್ಣದ ಗಂಡು ದನದ  ಕರುವನ್ನು ಕಳವು   ಮಾಡಿಕೊಂಡು ಅದಕ್ಕೆ  ಯಾವುದೇ  ಮೇವು  ಬಾಯಾರಿಕೆ  ನೀಡದೇ  ಹಿಂಸಿಸುವ ರೀತಿಯಲ್ಲಿ  ಕಾಲುಗಳನ್ನು ಹಗ್ಗದಿಂದ ಕಟ್ಟಿ  ಹಿಂಸಾತ್ಮಕವಾಗಿ  ಪಿಕಪ್ ವಾಹನದಲ್ಲಿ ತುಂಬಿಸಿ   ಮಾಂಸ  ಮಾಡಲು  ಕಸಾಯಿಖಾನೆಗೆ  ಸಾಗಾಟ  ಮಾಡಲು  ಹೊರಟಿದ್ದು ಆತನನ್ನು ಬಂಧಿಸಿದ್ದು ಈ ಬಗ್ಗೆ ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಾಣಿ ಹಿಂಸೆ ತಡೆ ಕಾಯ್ದೆಯಂತೆ ಪ್ರಕರಣ ದಾಖಲಾಗಿದೆ.