ನೌಕಾಪಡೆ ಭದ್ರತೆಯಲ್ಲಿ ಹೊರ್ಮೊಜ್ ಜಲಸಂಧಿ ದಾಟಿದ ಭಾರತ ಮೂಲದ ಎಲ್. ಪಿ.ಜಿ  ಟ್ಯಾಂಕರ್

ದಿನಾಂಕ: 14-03-2026(ಹಾಯ್ ಉಡುಪಿ ನ್ಯೂಸ್)

ನವದೆಹಲಿ: ಇರಾನ್ ಸಂಘರ್ಷದ ನಡುವೆಯೇ ಶನಿವಾರವೂ ಕೂಡ ಭಾರತ ಮೂಲದ LPG tanker ವೊಂದು ಸುರಕ್ಷಿತವಾಗಿ Hormuz ಜಲಸಂಧಿ ದಾಟಿದ್ದು, ಈ ಟ್ಯಾಂಕರ್ ಗೆ ಭಾರತೀಯ ನೌಕಾಪಡೆ ಭದ್ರತೆ ನೀಡಿದ್ದು ವಿಶೇಷವಾಗಿತ್ತು.

ಇರಾನ್-ಇಸ್ರೇಲ್, ಅಮೆರಿಕ ಯುದ್ಧದ ಪರಿಣಾಮ ಪಶ್ಚಿಮ ಏಷ್ಯಾದಲ್ಲಿ ವಿಶ್ವದ ಅತ್ಯಂತ ನಿರ್ಣಾಯಕ ಇಂಧನ ಕಾರಿಡಾರ್‌ಗಳಲ್ಲಿ ಒಂದಾದ ಹಾರ್ಮುಜ್ ಜಲಸಂಧಿಯ ಬಳಿ ಸಮುದ್ರ ಸಂಚಾರಕ್ಕೆ ಅಡ್ಡಿಯಾಗುತ್ತಿರುವುದರಿಂದ ಭಾರತೀಯ ನೌಕಾಪಡೆಯ ಯುದ್ಧನೌಕೆಗಳು ಓಮನ್ ಕೊಲ್ಲಿಗೆ ತೆರಳಿದ್ದು, ಅಲ್ಲಿ ವ್ಯಾಪಾರಿ ಸಂಚಾರವನ್ನು ಮೇಲ್ವಿಚಾರಣೆ ಮಾಡುತ್ತಿವೆ.

ಈ ಕುರಿತು OSINT ತಜ್ಞ ಡೇಮಿಯನ್ ಸೈಮನ್ ಶನಿವಾರ ಪ್ರಸಾರ ಮಾಡಿದ ಟ್ರ್ಯಾಕಿಂಗ್ ಡೇಟಾ ಮತ್ತು ಉಪಗ್ರಹ ಚಿತ್ರಣವು, ಭಾರತೀಯ ಧ್ವಜ ಹೊಂದಿರುವ LPG ಟ್ಯಾಂಕರ್ ‘ಶಿವಾಲಿಕ್’ ಪ್ರಸ್ತುತ ಕಾರ್ಯತಂತ್ರದ ಜಲಮಾರ್ಗದ ಮೂಲಕ ಹಾದುಹೋದ ನಂತರ ಸುತ್ತಮುತ್ತಲಿನ ಭಾರತೀಯ ನೌಕಾ ಹಡಗುಗಳೊಂದಿಗೆ ಪ್ರಯಾಣಿಸುತ್ತಿದೆ ಎಂದು ಹೇಳಿದರು.