ಕಾಪು: ದಿನಾಂಕ:29-07-2025(ಹಾಯ್ ಉಡುಪಿ ನ್ಯೂಸ್) ಪಾಂಗಾಳ ಗ್ರಾಮದ ಮೇಲ್ ಪಾಂಗಾಳ ಎಂಬಲ್ಲಿ ಅಂದರ್ ಬಾಹರ್ ಜುಗಾರಿ ನಡೆಸುತ್ತಿದ್ದ ಐವರನ್ನು ಕಾಪು ಪೊಲೀಸ್ ಠಾಣೆಯ ಪಿಎಸ್ಐ ಮಹೇಶ್ ಟಿ ಎಂ ಅವರು ಬಂಧಿಸಿದ್ದಾರೆ.
ಕಾಪು ಪೊಲೀಸ್ ಠಾಣೆ ಪಿಎಸ್ಐ ಮಹೇಶ್ ಟಿ ಎಂ ಅವರಿಗೆ ದಿನಾಂಕ: 27-07-2025 ರಂದು ಠಾಣೆಯಲ್ಲಿರುವ ಸಮಯ ಕಾಪು ತಾಲೂಕು, ಪಾಂಗಾಳ ಗ್ರಾಮದ, ಮೇಲ್ ಪಾಂಗಾಳ ಎಂಬಲ್ಲಿರುವ ರಾಜೇಶ್‌ ಶೆಟ್ಟಿ ಎಂಬವರ ಮನೆಯ ಬದಿಯಲ್ಲಿ ಕೆಲವು ಜನರು ಸೇರಿಕೊಂಡು ಅಕ್ರಮವಾಗಿ ಅಂದರ್-ಬಾಹರ್ ಎಂಬ ಇಸ್ಪೀಟ್‌ ಜುಗಾರಿ ಆಟ ಆಡುತ್ತಿದ್ದಾರೆ ಎಂಬುದಾಗಿ ಮಾಹಿತಿ ಬಂದಿದೆ .
ಅದರಂತೆ ಕೂಡಲೇ ಮಾಹಿತಿ ಬಂದ ಸ್ಥಳಕ್ಕೆ ಪಿಎಸ್ಐ ಯವರು ಹೋಗಿ ನೋಡಿದಾಗ ಸ್ಥಳದಲ್ಲಿ ಸುಮಾರು 7-8 ಜನ ಸೇರಿಕೊಂಡು ಅಂದರ್-ಬಾಹರ್ ಎಂಬ ಜುಗಾರಿ ಆಟ ಆಡುತ್ತಿದ್ದು ಪೊಲೀಸರು ದಾಳಿ ನಡೆಸಿ ಸ್ಥಳದಲ್ಲಿ ಅಂದರ್–ಬಾಹರ್ ಜುಗಾರಿ ಆಟವಾಡುತ್ತಿದ್ದವರ ಪೈಕಿ 5 ಜನರನ್ನು ಬಂಧಿಸಿ ವಶಕ್ಕೆ ಪಡೆದುಕೊಂಡು ಅವರುಗಳ ಹೆಸರು, ವಿಳಾಸ ವಿಚಾರಿಸಿದಾಗ 1) ಸುಲೇಮಾನ ಪ್ರಾಯ: 57 ವರ್ಷ, ಬಡಾಗ್ರಾಮ, ಉಚ್ಚಿಲ ಪೋಸ್ಟ್‌, ಕಾಪು ತಾಲೂಕು 2) ಚಂದ್ರಶೇಖರ್‌ ಪ್ರಾಯ: 55 ವರ್ಷ , ಅತ್ರಾಡಿ ಗ್ರಾಮ, ಹಿರಿಯಡ್ಕ ಉಡುಪಿ ತಾಲೂಕು 3) ಮಿಥುನ್‌,ಪ್ರಾಯ: 41 ವರ್ಷ, ಬಡಾಗ್ರಾಮ, ಉಚ್ಚಿಲ ಅಂಚೆ, ಕಾಪು ತಾಲೂಕು, 4) ಅಮಾನುಲ್ಲಾ, ಪ್ರಾಯ; 50 ವರ್ಷ, ಮಲ್ಲಾರು ಗ್ರಾಮ, ಕಾಪು ತಾಲೂಕು, 5) ಸುರೇಶ್‌, ಪ್ರಾಯ: 55 ವರ್ಷ, ಉಳಿಯಾರಗೊಳಿ ಗ್ರಾಮ, ಕಾಪು ತಾಲೂಕು, ಎಂಬುದಾಗಿ ತಿಳಿಸಿರುತ್ತಾರೆ ಹಾಗೂ ಜುಗಾರಿ ಆಟಕ್ಕೆ ಬಳಸಿದ 1) ವಿವಿಧ ಬಣ್ಣಗಳ ಇಸ್ಪೀಟ್‌ ಎಲೆಗಳು – 3 ಸೆಟ್‌, 2) 7,500/- ರೂ ನಗದು ಹಣ, 3) ಬೆಡ್‌ ಶೀಟ್‌ ಗಳು- 2, 4) VIVO ಕಂಪನಿಯ ಮೊಬೈಲ್‌ ಪೋನ್‌-1 ಇವುಗಳನ್ನು ಸ್ವಾಧೀನಪಡಿಸಿಕೊಂಡಿದ್ದಾರೆ.
ಈ ಬಗ್ಗೆ ಕಾಪು ಪೊಲೀಸ್ ಠಾಣೆಯಲ್ಲಿ ಕಲಂ: 87 ಕೆ. ಪಿ. ಆಕ್ಟ್ ನಂತೆ ಪ್ರಕರಣ ದಾಖಲಾಗಿದೆ.