ಗಂಗೊಳ್ಳಿ: ದಿನಾಂಕ :15/07/2025 (ಹಾಯ್ ಉಡುಪಿ ನ್ಯೂಸ್) ಮಂಕಿ ಬಳಿಯ ದ್ಯಾಸನಮಕ್ಕಿ ಯ ಸಾರ್ವಜನಿಕ ಸ್ಥಳದಲ್ಲಿ ಕೋಳಿ ಅಂಕ ಜುಗಾರಿ ನಡೆಸುತ್ತಿದ್ದ ಇಬ್ಬರನ್ನು ಗಂಗೊಳ್ಳಿ ಪೊಲೀಸ್ ಠಾಣೆಯ ಪೊಲೀಸ್ ಉಪನಿರೀಕ್ಷಕರಾದ ಪವನ್ ನಾಯಕ್ ಅವರು ಬಂಧಿಸಿದ್ದಾರೆ.
ಗಂಗೊಳ್ಳಿ ಪೊಲೀಸ್ ಠಾಣೆ ಪೊಲೀಸ್ ಉಪನಿರೀಕ್ಷಕರಾದ ಪವನ್ ನಾಯಕ್ ಅವರಿಗೆ ದಿನಾಂಕ: 13-07-2025 ರಂದು ಗುಜ್ಜಾಡಿ ಗ್ರಾಮದ ಮಂಕಿ ಬಳಿಯ ದ್ಯಾಸನಮಕ್ಕಿ ಸಾರ್ವಜನಿಕ ಸ್ಥಳದಲ್ಲಿ ಕೋಳಿ ಅಂಕ ಜುಗಾರಿ ಆಟ ಆಡುತ್ತಿರುವುದಾಗಿ ಬಂದ ಸಾರ್ವಜನಿಕರ ಮಾಹಿತಿಯಂತೆ ಕೂಡಲೇ ದಾಳಿ ನಡೆಸಿ ಸ್ಥಳದಲ್ಲಿ ಕೋಳಿ ಅಂಕ ನಡೆಸುತ್ತಿದ್ದ ಆಪಾದಿತ ರವೀಂದ್ರ ಮತ್ತು ವಿಕ್ರಮ್ ಎಂಬವರನ್ನು ಬಂಧಿಸಿ ವಶಕ್ಕೆ ಪಡೆದಿದ್ದು ಸ್ಥಳದಲ್ಲಿ ಇದ್ದ ಪೊಲೀಸರನ್ನು ಕಂಡು ಓಡಿ ಹೋದವರ ಹೆಸರು, ವಿಳಾಸ ವಿಚಾರಿಸಿದಾಗ ಉಮೇಶ , ಸುಧಾಕರ ಎಂದು ತಿಳಿಸಿರುತ್ತಾರೆ ಎಂದು ದೂರಿನಲ್ಲಿ ದಾಖಲಿಸಿದ್ದಾರೆ.
ಕೋಳಿ ಜುಗಾರಿ ಆಟಕ್ಕೆ ಬಳಸಿದ ಕೋಳಿ ಹುಂಜ -5, ಕತ್ತಿ – 05 ಹಾಗೂ ಕೋಳಿಯ ಕಾಲಿಗೆ ಕೋಳಿ ಬಾಳನ್ನು ಕಟ್ಟಲು ಉಪಯೋಗಿಸಿದ ಹಗ್ಗ-5 ಹಾಗೂ ಕೋಳಿಗಳ ಮೇಲೆ ಹಣವನ್ನು ಪಣವಾಗಿ ಕಟ್ಟಿದ್ದು ನಗದು ಹಣ 2,200/- ರೂಪಾಯಿ ಕಂಡು ಬಂದಿದ್ದು, ಸ್ಥಳದಲ್ಲಿ ಆಪಾದಿತರು ಬಂದ 1) ಟಿವಿಎಸ್‌ ಕಂಪೆನಿಯ KA-20-EW-6343 ನೇ ಮೋಟಾರು ಸೈಕಲ್‌, 2)ಬಜಾಜ್‌ ಡಿಸ್ಕವರ್‌ ಕಂಪೆನಿಯ KA-20-EC-3736 ನೇ ಮೋಟಾರು ಸೈಕಲ್‌ 3) ಹೊಂಡಾ ಮ್ಯಾಟ್ರಿಕ್ಸ್‌ ಕಂಪೆನಿಯ KA-20-EM-7544 ನೇ ಮೋಟಾರು ಸೈಕಲ್‌ ನ್ನು ಪೊಲೀಸರು ಸ್ವಾಧೀನಪಡಿಸಿಕೊಂಡಿದ್ದಾರೆ.
ಆರೋಪಿಗಳು ಕೋಳಿಗಳಿಗೆ ಆಹಾರ, ನೀರು ಕೊಡದೇ ಕಾಲಿಗೆ ಕತ್ತಿಕಟ್ಟಿ ಹಿಂಸೆ ನೀಡಿ ಕೋಳಿಗಳ ಮೇಲೆ ಹಣವನ್ನು ಪಣವಾಗಿ ಕಟ್ಟಿ ಸಾರ್ವಜನಿಕ ಸ್ಥಳದಲ್ಲಿ ಕೋಳಿಅಂಕ ಜುಗಾರಿ ಆಟ ನಡೆಸಿದ್ದಾರೆ ಎಂದು ದೂರು ದಾಖಲಿಸಿದ್ದಾರೆ.
ಈ ಬಗ್ಗೆ ಗಂಗೊಳ್ಳಿ ಪೊಲೀಸ್ ಠಾಣೆಯಲ್ಲಿ ಕಲಂ: 11 (1) (A) The Preventions of Cruelty to Animal Act 1960 ಮತ್ತು 87 93 ಕೆ.ಪಿ ಆಕ್ಟ್ ರಂತೆ ಪ್ರಕರಣ ದಾಖಲಾಗಿದೆ.