ಬೈಂದೂರು: ದಿನಾಂಕ:21-12-2024 (ಹಾಯ್ ಉಡುಪಿ ನ್ಯೂಸ್) ಸಾಲ ವಸೂಲಾತಿಗೆ ತೆರಳಿದ್ದ ಸೊಸೈಟಿ ಒಂದರ ಜೀಪು ಚಾಲಕನಿಗೆ ಸಾಲಗಾರನೋರ್ವನ ಕಡೆಯವರು ಹಲ್ಲೆ ನಡೆಸಿ ಜೀವಬೆದರಿಕೆ ಹಾಕಿರುವ ಬಗ್ಗೆ ಸಂತೋಷ ಎಂಬವರು ಪೊಲೀಸರಿಗೆ ದೂರು ನೀಡಿದ್ದಾರೆ.
ಬೈಂದೂರು ಸಾಗರ ಕ್ರೆಡಿಟ್‌ ಕೋ ಅಪರೇಟಿವ್‌ ಸೊಸೈಟಿಯ ವಾಹನ ಚಾಲಕರಾಗಿರುವ ಸಂತೋಷ ಎಂಬವರು ದಿನಾಂಕ 19.12.2024 ರಂದು ಸೊಸೈಟಿಯ ವತಿಯಿಂದ ಮರುಪಾವತಿಯಾಗದ ಸಾಲದ ವಸೂಲಾತಿಯ ಬಗ್ಗೆ ಸೊಸೈಟಿಯ ಸಿಬ್ಬಂದಿಯವರೊಂದಿಗೆ ಸೊಸೈಟಿಯ ಜೀಪು ನಂಬ್ರ KA 20 MC 7833 ರಲ್ಲಿ ಹೋಗಿದ್ದರು ಎಂದು ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಿದ್ದಾರೆ.
ಸಂಜೆ ವಾಪಾಸು ಬೈಂದೂರು ಕಡೆಗೆ ಉಪ್ಪುಂದ ಮಾರ್ಗವಾಗಿ ಬರುತ್ತಿರುವಾಗ ಸಂಜೆ 5.20 ಗಂಟೆ ಸುಮಾರಿಗೆ ಉಪ್ಪುಂದ ಅಂಡರ್‌ ಪಾಸ್‌ ಬಳಿ ಆರೋಪಿತ ರೋಶನ್‌ ಹಾಗೂ ಇತರ 3 ಮಂದಿ KA 01 MT 0065 ನೇ ಇನೋವಾ ಕಾರಿನಲ್ಲಿ ಬಂದು ಸಂತೋಷರವರು ಚಲಾಯಿಸುತ್ತಿದ್ದ ಜೀಪನ್ನು ಅಡ್ಡಗಟ್ಟಿ ನಿಲ್ಲಿಸಿ ಕಾರಿನಲ್ಲಿದ್ದ ಇತರ ಮೂವರು ಅಪಾದಿತರೊಂದಿಗೆ ಇಳಿದು ಬಂದು ಸಂತೋಷ ರವರ ಕಾಲರನ್ನು ಹಿಡಿದು ತಡೆದು ನಿಲ್ಲಿಸಿ ಅವಾಚ್ಯವಾಗಿ ಬೈದು ಜೀವ ಬೆದರಿಕೆ ಹಾಕಿದ್ದಾರೆ ಎಂದು ಪೋಲೀಸರಿಗೆ ದೂರು ನೀಡಿದ್ದಾರೆ.
ಈ ಬಗ್ಗೆ ಬೈಂದೂರು ಪೊಲೀಸ್‌ ಠಾಣೆಯಲ್ಲಿ ಕಲಂ 126 (2), 352 , 351 (2), 3(5) BNS ನಂತೆ ಪ್ರಕರಣ ದಾಖಲಾಗಿದೆ.