ಬಿಜೆಪಿಯವರು ‘ಮನುಸ್ಮೃತಿ ಅನುಯಾಯಿಗಳು’ : ಮಲ್ಲಿಕಾರ್ಜುನ ಖರ್ಗೆ

ನವದೆಹಲಿ: ದಿನಾಂಕ:18-12-2024 (ಹಾಯ್ ಉಡುಪಿ ನ್ಯೂಸ್)

ಪ್ರಧಾನಿ ಮೋದಿ ಮತ್ತು ಅಮಿತ್ ಶಾ ಸೇರಿದಂತೆ ಬಿಜೆಪಿಯವರು ಮನುಸ್ಮೃತಿಯ ಕಾನೂನುಗಳ ಅನುಯಾಯಿಗಳು ಅವರು ಸಂವಿಧಾನದ ಅನುಯಾಯಿಗಳು ಅಲ್ಲ ಎಂದು ಕಾಂಗ್ರೆಸ್ ನಾಯಕ ಮಲ್ಲಿಕಾರ್ಜುನ ಖರ್ಗೆ ಪತ್ರಿಕಾಗೋಷ್ಠಿಯಲ್ಲಿ ಇಂದು ಹೇಳಿದ್ದಾರೆ.

ಅಮಿತ್ ಶಾ ಅವರು ಸಂಸತ್ತಿನಲ್ಲಿ ಮಾಡಿದ ಹೇಳಿಕೆಗಳು ಬಿ ಆರ್ ಅಂಬೇಡ್ಕರ್ ಅವರಿಗೆ ಮಾತ್ರವಲ್ಲದೆ ದೇಶದ ಎಲ್ಲಾ ದಲಿತರು ಮತ್ತು ನಾಗರಿಕರಿಗೆ ಮಾಡಿದ ಅವಮಾನ  ಎಂದು ಅವರು ತಿಳಿಸಿದರು.

ಇಂದು ಮಧ್ಯರಾತ್ರಿಯೊಳಗೆ ಕೇಂದ್ರ ಸಚಿವರು ಕ್ಷಮೆಯಾಚಿಸಬೇಕು ಹಾಗೂ ರಾಜೀನಾಮೆ ನೀಡಬೇಕು ಎಂದು ಒತ್ತಾಯಿಸಿದರು. ಸಂವಿಧಾನಕ್ಕೆ ಗೌರವವನ್ನು ತೋರಿಸಲು ಬಯಸಿದರೆ ಮಾಡಿದ ಹೇಳಿಕೆಗಳಿಗೆ ಶಾ ಅವರು ರಾಜೀನಾಮೆ ನೀಡುವುದನ್ನು ಪ್ರಧಾನಿ ಮೋದಿ ಖಚಿತಪಡಿಸಿಕೊಳ್ಳಬೇಕು ಎಂದು ಖರ್ಗೆ ಅವರು ಕೇಳಿದರು.