ಕಾರ್ಕಳ: ಮನೆಯೊಂದರಲ್ಲಿ ವೇಶ್ಯಾವಾಟಿಕೆ; ಐವರ ಬಂಧನ

ಕಾರ್ಕಳ: ದಿನಾಂಕ  15.12.2023 (ಹಾಯ್ ಉಡುಪಿ ನ್ಯೂಸ್) ಕಸಬಾ ಗ್ರಾಮದ ಮನೆಯೊಂದರಲ್ಲಿ ವೇಶ್ಯಾವಾಟಿಕೆ ನಡೆಸುತ್ತಿದ್ದ ಐವರನ್ನು ಕಾರ್ಕಳ ನಗರ ಠಾಣಾ ಪೊಲೀಸ್ ನಿರೀಕ್ಷಕರಾದ ಟಿ.ಡಿ.ನಾಗರಾಜರವರು ಬಂಧಿಸಿದ್ದಾರೆ.

ಕಾರ್ಕಳ  ನಗರ  ಠಾಣೆ ಪ್ರಭಾರ ಪೊಲೀಸ್ ನಿರೀಕ್ಷಕರಾದ ಟಿ.ಡಿ ನಾಗರಾಜ ಅವರಿಗೆ  ದಿನಾಂಕ:14-12-2023 ರಂದು ಕಾರ್ಕಳ  ತಾಲೂಕಿನ ಕಸಬಾ  ಗ್ರಾಮದ ಭುವನೇಂದ್ರ  ಕಾಲೇಜ್  ಬಳಿ ಇರುವ  ದಾನೀಯ  ಪಿರೇರಾ  ಪಟ್ಲ ಹೌಸ್  ಎಂಬ  ಮನೆಯಲ್ಲಿ ಅನೈತಿಕ ವೇಶ್ಯಾವಾಟಿಕೆ ನಡೆಸುತ್ತಿರುವ ಬಗ್ಗೆ ಖಚಿತ ಮಾಹಿತಿ ಲಭಿಸಿರುತ್ತದೆ.

ಮಾಹಿತಿ ಬಂದ ಕೂಡಲೇ ಸ್ಥಳಕ್ಕೆ ದಾಳಿ ನಡೆಯಿಸಿ ವೇಶ್ಯವಾಟಿಕೆ ದಂಧೆ ನಡೆಸುತ್ತಿದ್ದ ಮನೆಯಲ್ಲಿ  ಇದ್ದ ಉಪೇಂದ್ರ ನಾಯ್ಕ ಯಾನೆ ಅವಿನಾಶ ಮತ್ತು ಪ್ರವೀಣ ಕುಮಾರ್‌ ಎಂಬವರನ್ನು ಬಂಧಿಸಿದ್ದಾರೆ .ಆಪಾದಿತರಾದ ಗೋವರ್ಧನ, ಉಪೇಂದ್ರ ನಾಯ್ಕ ಯಾನೆ ಅವಿನಾಶ, ಉಡುಪಿಯ ದೀಪಾ, ಅಶೋಕ ಹಾಗೂ ಪ್ರವೀಣ ಕುಮಾರ್‌ ಇವರುಗಳು ಅಕ್ರಮವಾಗಿ ಸಾರ್ಜಜನಿಕ ಸ್ಥಳದಲ್ಲಿ ವೇಶ್ಯಾವಾಟಿಕೆ ದಂಧೆ ನಡೆಸಿ ಅಕ್ರಮ ಲಾಭ ಪಡೆಯುತ್ತಿದ್ದಾರೆ ಎಂದು ದೂರಲಾಗಿದೆ.

. ಈ ಬಗ್ಗೆ ಕಾರ್ಕಳ ನಗರ ಠಾಣೆಯಲ್ಲಿ ಕಲಂ: 370 (A) (2) ಐಪಿಸಿ ಮತ್ತು   ಕಲಂ: 3,4,5,6  Immoral Traffic ( Prevention) Act 1956 ಕಾಯ್ದೆಯಂತೆ ಪ್ರಕರಣ ದಾಖಲಾಗಿದೆ.