ಕಾರ್ಕಳ: ಫೋಟೋ ತೆಗೆಯಲು ತೆರಳಿದ್ದ ಯುವಕನ ಮೊಬೈಲ್ ಕಸಿದು ಬೆದರಿಕೆ

ಕಾರ್ಕಳ: ದಿನಾಂಕ:20:10:2023(ಹಾಯ್ ಉಡುಪಿ ನ್ಯೂಸ್) ಬೈಲೂರಿನ ಪರಶುರಾಮ ಥೀಮ್ ಪಾರ್ಕ್ ನ ಫೋಟೋ ತೆಗೆಯಲು ತೆರಳಿದ್ದ ಯುವಕನಿಗೆ ಯುವಕರ ಗುಂಪೊಂದು ಬೈದು ಮೊಬೈಲ್ ಕಸಿದು ಕೊಂಡಿದೆ ಎಂದು ನೊಂದ ಯುವಕ ಪೊಲೀಸರಿಗೆ ದೂರು ನೀಡಿದ್ದಾನೆ.

ಕಾರ್ಕಳ ನಿವಾಸಿ ಅಲ್ಬಜ್ (26) ಎಂಬವರು ದಿನಾಂಕ 19/10/2023  ರಂದು ಸಂಜೆ ಬೈಲೂರಿನ ಪರಶುರಾಮ ಥೀಮ್ ಪಾರ್ಕಿಗೆ ಫೋಟೋ ತೆಗೆಯಲು ತೆರಳಿದ ಸಮಯದಲ್ಲಿ ಅಲ್ಲಿಯೇ  ಇದ್ದ ಆಪಾದಿತರಾದ  ವಿಖ್ಯಾತ್  ,ಸುಹಾಸ್, ರಾಕೇಶ್  , ರಂಜಿತ್ , ಮುಸ್ತಾಫ  ಮೊದಲಾದವರು ಸೇರಿಕೊಂಡು ಅಲ್ಬಜ್‌ರನ್ನು ಎಳೆದುಕೊಂಡು ಹೋಗಿ  ಅವಾಚ್ಯ ಶಬ್ದಗಳಿಂದ ಬೈದು ಮೊಬೈಲನ್ನು ಎಳೆದುಕೊಂಡು ತೊಂದರೆ ನೀಡಿರುತ್ತಾರೆ ಎಂದು ಪೊಲೀಸರಿಗೆ ದೂರು ನೀಡಿದ್ದಾರೆ.

ಅಲ್ಬಜ್ ನೀಡಿದ ದೂರಿನಂತೆ ಕಾರ್ಕಳ ನಗರ ಪೊಲೀಸ್‌ ಠಾಣೆಯಲ್ಲಿ ಕಲಂ: 143, 147, 341, 504 ಜೊತೆಗೆ  149 ಐಪಿಸಿಯಂತೆ ಪ್ರಕರಣ ದಾಖಲಾಗಿದೆ.