ಶಿರ್ವ: ದಿನಾಂಕ: 16-10-2023(ಹಾಯ್ ಉಡುಪಿ ನ್ಯೂಸ್) ಪಿಲಾರು ಗ್ರಾಮದ ಮನೆಯೊಂದರ ಕಿಟಕಿ ಬಾಗಿಲು ಮುರಿದು ಒಳ ನುಗ್ಗಿದ ಕಳ್ಳರು ಎಂಟು ಲಕ್ಷ ಮೌಲ್ಯದ ಚಿನ್ನಾಭರಣ ಕದ್ದ ಬಗ್ಗೆ ಶಿರ್ವ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ದಿನಾಂಕ 15.10.2023 ರಂದು ರಾತ್ರಿ ಕಾಪು ತಾಲೂಕು ಪಿಲಾರು ಗ್ರಾಮದಲ್ಲಿರುವ ಅರುಣ್‌ ವಿಜಯ್‌ ಎಂಬವರ ಹಳೆಯ ಹಂಚಿನ ಮನೆಯ ಅಡುಗೆ ಕೋಣೆಯ ಮರದ ಕಿಟಕಿಯ ಪಟ್ಟಿಯನ್ನು ಯಾರೋ ಕಳ್ಳರು ಕಿತ್ತು ತೆಗೆದು ಅದರ ಮೂಲಕ ಮನೆಯ ಒಳಪ್ರವೇಶಿಸಿ ಗೋದ್ರೆಜ್‌ ಅಲ್ಮೇರಾದ ಬೀಗ ತೆರೆದು ಅದರ ಸೇಫ್‌ ಲಾಕರ್‌ನಲ್ಲಿದ್ದ ಅಂದಾಜು ಮೌಲ್ಯ 8,00,500/- ರೂ. ಬೆಲೆಯ ವಿವಿಧ ರೀತಿಯ ಒಟ್ಟು 179.4 ಗ್ರಾಂ ತೂಕದ ಚಿನ್ನಾಭರಣಗಳನ್ನು ಕಳವು ಮಾಡಿಕೊಂಡು ಹೋಗಿರುತ್ತಾರೆ ಎಂದು ಪೊಲೀಸರಿಗೆ ದೂರು ನೀಡಿದ್ದಾರೆ.
ಈ ಬಗ್ಗೆ ಶಿರ್ವ ಪೊಲೀಸ್ ಠಾಣೆಯಲ್ಲಿ. ಕಲಂ 457, 380 ಐಪಿಸಿಯಂತೆ ಪ್ರಕರಣ ದಾಖಲಾಗಿದೆ.