ಕುಂದಾಪುರ: ತಡರಾತ್ರಿಯವರೆಗೆ ಡಿಜೆ ಬಳಕೆ; ಡಿಜೆ ಪೊಲೀಸ್ ವಶ

ಕುಂದಾಪುರ: ದಿನಾಂಕ:18-02-2025(ಹಾಯ್ ಉಡುಪಿ ನ್ಯೂಸ್) ಕೋಡಿ ಸಮುದ್ರ ತೀರದಲ್ಲಿ ನಡೆದ ಕಾರ್ಯಕ್ರಮವೋಂದರಲ್ಲಿ ತಡರಾತ್ರಿ ಯವರೆಗೆ ಡಿಜೆ ಅಳವಡಿಸಿರುವ ಬಗ್ಗೆ ಸಾರ್ವಜನಿಕ ದೂರಿನ ಮೇರೆಗೆ ಡಿಜೆಯನ್ನ  ವಶಪಡಿಸಿಕೊಂಡು ಕಾರ್ಯಕ್ರಮ ಆಯೋಜಕರ ಮೇಲೆ ಕುಂದಾಪುರ ಪೊಲೀಸರು ಕ್ರಮಕೈಗೊಂಡಿದ್ದಾರೆ.

ದಿನಾಂಕ: 12-02-2025 ರಿಂದ 16-02-2025 ರವರಗೆ ಕುಂದಾಪುರ ಕೋಡಿ ಸಮುದ್ರ ತೀರದ ದಡದಲ್ಲಿ ಕುಂದ ಉತ್ಸವ ಎಂಬ ಕಾರ್ಯಕ್ರಮ ನಡೆಸಲು ಪ್ರದೀಪ ಬಸ್ರೂರು ಎಂಬವರು ಧ್ವನಿವರ್ಧಕವನ್ನು ಬಳಸುವ ಬಗ್ಗೆ ಷರತ್ತು ಬದ್ದ ಪರವಾನಿಗೆಯನ್ನು ದಿನಾಂಕ: 11/02/2025 ರಂದು ಪಡೆದುಕೊಂಡಿದ್ದಾರೆ ಎಂದು ಪೊಲೀಸರು ದಾಖಲಿಸಿರುವ ದೂರಿನಲ್ಲಿ ತಿಳಿಸಿದ್ದಾರೆ.

ದಿನಾಂಕ: 16-02-2025 ರಂದು ಸಂಜೆ  ಕುಂದ ಉತ್ಸವ ಪ್ರಾರಂಭ ಆಗಿದ್ದು ದಿನಾಂಕ 17/02/2025 ರಂದು ತಡರಾತ್ರಿ ವರೆಗೆ ಡಿಜೆ ಸೌಂಡ್‌ ಸಿಸ್ಟಂ, ಅಥವಾ ಇತರ ಸಲಕರಣೆಗಳನ್ನು ಉಪಯೋಗಿಸಲು ಯಾವುದೇ ಅನುಮತಿ ಪಡೆಯದೇ ಸಾರ್ವಜನಿಕ ಸ್ಥಳವಾದ ಕುಂದಾಫುರ ತಾಲೂಕು ಕುಂದಾಫುರ ಕಸಬಾ ಗ್ರಾಮದ ಕೋಡಿ ಸಮುದ್ರ ತೀರದ ದಡದಲ್ಲಿ ಡಿ.ಜೆ ಧ್ವನಿವರ್ಧಕವನ್ನು ಬಳಸಿ ನಿಯಮ ಉಲ್ಲಂಘಿಸಿರುತ್ತಾರೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.

ಆದ್ದರಿಂದ ತಡರಾತ್ರಿಯವರೆಗೆ ಡಿ.ಜೆ ಸೌಂಡ್‌ ಬಳಸಿ ಕರ್ಕಶ ಶಬ್ದಗಳಿಂದ ಸಾರ್ವಜನಿಕ ಉಪದ್ರವವನ್ನುಂಟು ಮಾಡಿ ತೊಂದರೆ ನೀಡಿರುವ ಕುಂದ ಉತ್ಸವ ಆಯೋಜಕರಾದ ಪ್ರದೀಪ ಬಸ್ರೂರು. ಹನೀಫ್‌ ಗುಲ್ವಾಡಿ, ಕೋಡಿ ಮುನಾಫ್‌, ಡಿಜೆ ರಂಜು ಮತ್ತು ಇತರರ ವಿರುದ್ದ ಸೂಕ್ತ ಕಾನೂನು ಕ್ರಮ ಜರುಗಿಸಿದ್ದಾರೆ ಎನ್ನಲಾಗಿದೆ. ಈ ಬಗ್ಗೆ ಕುಂದಾಪುರ ಪೊಲೀಸ್‌ ಠಾಣೆಯಲ್ಲಿ ಕಲಂ: 292, 112 BNS & ಕಲಂ: 109 K P Act ರಂತೆ ಪ್ರಕರಣ ದಾಖಲಾಗಿದೆ.